1 elke 4 minute!!!

Dagsê

 

Enige iemand wat vandag 94.7 geluister het sal weet dat Darren vanoggend saam met Lead SA focus geplaas het op verkragting in SA.  Ons is op die oomblik bekend as die rape capital van die wêreld, wat ‘n title om te dra!  Daar word elke 4 minute ‘n verkragting aangemeld en slegs een uit elke 9 verkragtings word aangemeld, so dink net hoeveel daar werklik plaasvind!!  Die metode waarop daar besluit is om deur die radio stasie awareness te create was om elke 4 minute ‘n bleep geluid te laat speel, dit gebeur outomaties, dus kan die omroeper dit nie afskakel nie en dit gaan vir 12 ure so voortgaan.  Dit is een van die mees effektiewe maniere wat seker nog gebruik is.  Elke keer as die bleep gehoor word is dit soos ‘n ysblokkie wat in jou rug afgegooi word.

 

Ek stap deur die gange en hoor die gevreesde woorde toe daar vir ‘n kollega gevra word: “Will you come and do the post test counselling” en die antwoord: “yes, is it a survivor” en ek weet, ja, die een van gister.  Ek kry die geleentheid om ‘n counsellor uit te vra oor hoeveel “survivors” gesien word en sy is vinnig om te sê dat dit stil was, maar nou dat die “skole” oop is gaan dit baie meer word.  Haar volgende woorde is skokkend en laat my dink, lank en diep.  Die woorde: “these girls are stupid they don’t listen, they go with the guys to buy drink and go back to their places and then wake up naked.”  Kollega is ‘n spesiale sagte mens, iemand wat ek tot op die punt vertrou dat ek haar hand pick om vir my ‘n inspuiting te gee, maar die vraag wat in my kop skree is:  hoekom word die victim die skuldige? Net die feit dat sy iemand vertrou het, saam met vriende ‘n drankie gedrink het en na sy kamer toe gegaan het maak dit NIE reg om haar te drug en te rape nie.  Dit is dieselfde redenasie wat al so lank gevoer word dat ‘n vrou daarvoor vra as sy ‘n kort rokkie aan het, hoekom moet iemand se reg om mooi te lyk misbruik word deur ‘n siek misdadiger?  Wat het die 94 jarige ouma gedoen om hom aanleiding te gee of die 7 jarige kind?  Hoe kan enige iets wat enige iemand doen jou die reg gee om haar op so ‘n wrede manier aan te val?  Hoekom is die vrou die skuldige een?  Nou ek weet Kollega sal nooit, ooit die persoon laat weet dat sy dink sy was stupid gewees nie, maar daar is hoeveel wat ook so voel en dit nie so mooi vir hulle self sal hou nie.

 

Hoekom word so min verkragtings aangemeld?  Een van die redes is juis om sekondêre verkragting te ontkom, dit is wanneer jy deur die trauma van beskuldigings van die polisie, familie en hartseerste van alles mediese personeel moet gaan.  Die manier hoe hierdie bang stukkende mense hanteer word is die rede waarom soveel van hierdie gemors nog vry en gelukkig rondloop.  Wanneer gaan die verskillende stelsels tot op die punt kom waar die victim as victim en nie skuldige gesien word nie?

 

Amper 6 jaar gelede was ek deel van ‘n taakspan wat hard gewerk het om te verseker dat daar by elke staats hospitaal in die Oos-Kaap ‘n holistiese benadering tot verkragting sal wees.  Die doel was om te sorg dat die slagoffer se eerste punt van kontak by die hospitaal sal wees.  Dat hierdie persoon deur opgeleide mediese personeel gesien word, die nodige ondersoeke word gedoen en monsters versamel, ‘n SAPS lid kom neem die verklaring by die hospitaal af nadat die persoon gestort en skoon klere gegee is om aan te trek en sosiale en sielkundige ondersteuning is daar en dan beskikbaar insluitende ARVs.  Hoe ver hierdie program gevorder het en of dit ooit uit die beplanningsfase gekom het weet ek nie, maar ek hoop van harte so en terwille van die “survivors” is my wens dat dit een dag by elke hospitaal en kliniek in die land beskikbaar sal wees en dat die regstelsel die slagoffers sal ondersteun eerder as om hulle te laat lyk soos die kriminele.

 

Gister oppad huistoe het ons ‘n pap wiel gehad, hier staan ek met vier kinders langs die pad. Vandag wil ek sê dankie dat my pa my geleer het om basiese dinge self te doen, binne 15 minute was ons weer oppad huistoe, danksy die feit dat ek die band kon ruil.  Dink net wat kon gebeur as daar een van hierdie monster bendes daar aangekom het terwyl ons bv. vir road side assist moes wag, soos mense vandag in hulle slimheid gevoel het die regte sou wees om te doen.  Om vir die AA in Johannesburg tydens spits tyd te wag gaan jou ‘n hele paar uur neem.  Ek wil vandag mooi vra asseblief ouers maak seker julle kinders het kennis van hierdie goed sowel as self verdediging en probeer hulle leer om hulle ogies oop te maak en gevaar raak te sien, want ons s.g. beskermings dienste faal monumenteel in hulle doel.

 

Veilige naweek vir elkeen.

Ingrid

Advertisements

2 comments on “1 elke 4 minute!!!

  1. Natasha sê:

    Hi Ingrid,
    Daardie “biep” gee meens omtrent ‘n rilling. Ek het self vandag daaroor geskryf.
    Ek lees netnou op Twitter die volgende van Zelda La Grange

    Zelda la Grange ‏@ZeldalaGrangeSA
    “@MrMenziN: Everyone is shaping girls into ‘how not to get raped’, who’s grooming boys into ‘how not to rape’?” Very very true! REPECT!

  2. Ingrid Marais sê:

    Niks sal verander voordat almal se houding verander en respek terug kom nie

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s