Vroue – meer kosbaar as korale …

Dit is mos wat die wyse Salamo geskrywe het of hoe?
Vandag is dan ook vrouedag en dit is tyd om hierdie bonatuurlike spesie te eer.  Toe ek jonk was, so 200 jaar gelede en die eerste keer geleer het van die wyse man en die woorde wat hy oor vroue gespreek het, het ek in my jeug besluit dat dit die mens is wat ek ook eendag sal wees. Toe word ek vrou en ma en besef baie vinnig dat dit nie so maklik is as jy nie in die Bybelse Israel bly nie.  Getrou aan die voorbeel wat my gryse (nou oorlede) pa my gestel het, het ek ‘n groente tuin geplant, want Salamo se vrou het die aarde bewerk om vir haar gesin kos te gee; ek het vir my kinders truie gebrei en klere gemaak, want dit het sy ook gedoen (Amber is in ‘n handgebreide babygrow huistoe).  Natuurlik het ek gewerk en gesorg dat my verdienste genoeg is om vir almal te sorg, want onthou sy was ‘n goeie rentmeester wat haar man se geld goed bestuur het (never mind dat daar nie geld van ‘n man ingekom het nie).  So is ek voor son-op op, net soos sy, sorg dat almal en alles versorg is, jaag werk toe, werk myself doodmoeg en jaag huistoe, versorg die tuin, maak seker die kinders eet, bad en is aan die slaap en dan begin die leer werk.  Natuurlik kon dit nie so aanhou nie, want sien ek is toe nie die Israel se vrou wat nie ook nog ‘n voldag se beroepsvrou is nie.
Ons kom stad toe en begin ‘n hele nuwe lewe, WOW wat ‘n amazing lewe vol uitdagings en ek vergeet van Salamo en sy slimgeite, so elke nou en dan herinner Oudaas (7de Laan) my dat Hilda meer werd as haar krale is, maar dit gaan my verby.  Vandag op vroue dag, doen ek ‘n eg Suid-Afrikaanse ding, maak vir my gesin sop en soos ek hier skryf pannekoek, soos Ouma van ouds en oorlede Pa dit gedoen het., ok sonder die glas rooiwyn so neffens die stoof.  Ek kyk so om my rond en ding:  “Jislaaik as ou Salamo nou hier moet inloop word jy buite die stadsmure gesleep en gestenig, kyk net hoe lyk jou huis!”  Sien eintlik sal jy dit nooit verwag nie, want so tussen die studies was goggas en higiene ‘n groot ding gewees en het ek selfs ‘n spesialiteit daarvan gemaak. (nou dompel Ebola ons kontinent in ‘n krisis en ek steek my hand op om te help, want ek het mos die kennis – maar dis ‘n ander storie).  Die kinders is groot en wil nie meer gemaakte of gebreide goed dra nie, die winkel goed is beter, shame, Hannie dra die trui wat ek gebrei het, maar so tussen ons ek dink dis net omdat sy te ordentlik is om te se dit was nie ‘n goeie idee nie, want wie dra nou in 2014 gebreide goed?  Ja die groente tuin is wel hier buite, maar Fruit and Veg moet help, anders is daar ver te min vitamiene in die huis.
So tussen die pannekoeke, die dishwasher, ja ons het een wie was nog skottelgoed met die hand? onthou die goggas, die sop wat amper brand en die sonnestelsel wat gebou word begin ek tog dink:  “Salamo jou stert man! ons is Suid-Afrikaanse multitasking vroue en die stad het afterall nie ‘n muur om nie, so why worry?”  Dink julle dit kan die hitte van die stoof of daai tweede glas wyn wees wat my laat besluit het ek is toe tog nie so bad nie.  Nee vrinne, nie een van die twee nie, die feit dat my geliefde Hannie tevrede is met my, my 190% vertrou, dat Amber nou en dan op haar BBM status se dat sy die best ma het en dan die verrassing toe Pokkel vandag die parkrun saam met my gaan doen en elke tree langs my stap en dan by die huis aankondig dat sy besig in om ‘n loomband vir iemand spesiaal te maak en dan die oorhandiging aan my doen.  So dalk is ek toe nie so ‘n bad vrou en ma nie.
Aan al die amazing vroue wat hier lees, julle is meer werd as korale net omdat jy as ‘n vrou gebore is.
Mooi aand en woderlike naweek aan elke bonatuurlike wese – jy!

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s